Jenengé Godhong Tanduran lan Wit-Witan ing Tembung Basa Jawa

Manawa ing bahasa Indonesia, jeneng godhong karo wité iki biasané jenengé pada. Contoné, pohon Pisang nama daunnya ya daun Pisang. Pohon Kelapa nama daunnya ya daun Kelapa. Tanaman Cocor Bebek, nama daunnya ya daun Cocor Bebek, dan lain sebagainya.

Béda karo tembung-tembung ing basa jawa, jenengé godhong ora mesti pada karo jenengé tandurané/wité. Embuh apa sebabé simbah-simbah mbiyèn mènèhi jeneng dhéwé kanggo godhong-godhongan. Apa merga sebagéan godhong-godhongan kuwi kerep kanggo campuran empon-empon jamu utawa kanggo masak janganan, mula diwènèhi aran sing béda karo arané wité.

Luwih unik maneh, sak godhong bisa nduwèni jeneng loro apa telu miturut kondisiné. Misalé godhong wit kambil kang enom diarani janur, yèn wis tuwa lan garing diarani blarak. Embuh saking pinteré simbah-simbah mbiyèn anggoné nata basa lan gawé istilah. Sing jelas anak puthu rada mumet olèhé ngapalké. Apa manèh yèn durung tau weruh kaya apa uwité.

Jenengé godhong wit-witan miturut basa Jawa, yèn kulina weruh godhongé lan kulina nyebutaké, suwé-suwé rak ya apal dhéwé. Ing ngisor iki arané/jenengé godhong seka tanduran utawa wit-witan sing isih gampang ditemokaké:

Arané Tanduran	Jenengé Godhong
Arèn	Dliring
Asem	Sinom
Awar-awar	Dongèng
Cekuk	Sriwedari
Cocor Bèbèk	Tiba Urip
Dadap	Tawa
Gebang	Kajang
Gedang isih enom	Pupus
Gedang sing tuwa	Ujangan
Gedang wis garing	Klaras
Jagung	Ketebon
Jambé	Dedel, Pracat
Jarak	Bledhèg
Jati	Jompong
Jipang	Bethethet
Kacang Brol	Rèndèng
Kacang Lanjaran	Lembayung
Katès	Gampleng
Kecipir	Cethèthèt
Kèlor	Limaran, Sewu
Kemlandéyan	Kumuda
Kelapa Enom	Janur
Kelapa Tuwa	Blarak
Kimpul/Tales	Lumbu
Kluwih	Kléyang
Lempuyang	Lirih
Lombok	Sabrang
Mlinjo	So
Pari	Damèn
Pring	Elarmanyura
Pring Garing	Krosak
Randu	Baladéwa, Smarakandhi
Siwalan	Lontar
Tebu	Momol
Tebu wis garing	Rapak
Téla Pohong	Jlegor
Turi	Pethuk
Waluh	Lomah-Lamèh
Widara Putih	Trawas
Wuni	Mojar

Isih digolèki arené godhong-godhong liyané, dadi ana sambungé